Plantun de Prouvènço

Pèr coumpara dos planto d'encò nostre

Carex davalliana & Thymus polytrichus

Queirello(-de-Davall)

Carex davalliana

Cyperaceae

Àutri noum : Moutouso, Sagneto.

Nom en français : Laîche de Davall.

Descripcioun :
La queirello-de-Davall trachis en mato dins li palun de mountagno sus cauquié. Es uno meno subretout diouïco (emé li flour masclo e femello sus de pèd diferènt). Lis espigo femello se recounèisson eisadamen emé sis espigueto à l'ourizountalo e acabado emé un long bè. Li masclo soun mai prim (2 mm de larg). Fai uno souco gazounanto d'ounte parton li cambo en triangle. Quàuqui planto soun mounouïco.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 15 à 20 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Juliet à avoust

Liò : Bas-palun - Palun
Estànci : Mountagnard à Aupen
Couroulougi : Éuropo-Cèntre
Ref. sc. : Carex davalliana Tausch, 1800

Ferigouleto(-bourrihudo)

Thymus polytrichus

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Thym à pilosité variable.

Descripcioun :
Aquesto ferigouleto se retrobo dins li pelouso e roucaio de mountagno mounte èi pas raro. Jamai eisado à destria d'un biais segur, fau bèn regarda la cambo, carrado emé de péu tout à l'entour (e pas soulamen sus 2 coustat o li caire), li fueio, emé de costo segoundàri que viron sus li bord, e de sepalo pelouso. Apoundèn que la planto crèis d'un biais monopoudique, emé uno longo tijo acabado pèr un tros bèn rama (vèire li fotò). Pensa de coumpara emé lis àutri ferigouleto de mountagno.

Usanço :
La ferigouleto-bourrihudo a à pau près li mémi prouprieta qu'aquéli de la ferigoulo estènt quand meme mens forto.

Port : Pichoto planto lignouso
Taio : 2 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 1200 à 2800 m
Aparado : Noun
Jun à avoust

Liò : Pelouso - Roucaio
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Thymus polytrichus A.Kern. ex Borbás, 1890 (= Thymus praecox subsp. polytrichus (A.Kern. ex Borbás) Jalás, 1970 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Carex davalliana & Thymus polytrichus

ges

Coumpara Queirello(-de-Davall) emé uno autro planto

Coumpara Ferigouleto(-bourrihudo) emé uno autro planto